Nuwe Stories 2014 Kortverhaalkompetisie kortlys: Eerste weergawes

Foto verkry vanaf litnet.co.za

Foto verkry vanaf litnet.co.za

Die eerste weergawes van die verhale wat die Nuwe Stories 2014 Kortverhaalwedstryd se kortlys gehaal het is nou beskikbaar om te lees op Litnet. Een van Christina van Deventer se verhale is ook op hierdie jaar se kortlys. Kortlyskandidate werk nou saam met twee van Suid Afrika se voorste taal-kundiges, Leti Kleyn en Suzette Kotze-Myburgh, om hul verhale af te rond vir publikasie. Die finale weergawes van die verhale sal in die Nuwe Stories 3 bundel opgeneem word. Die bundel word later vanjaar, in November 2014 deur Human & Rousseau gepubliseer. Klik gerus hier om die verhale op Litnet.co.za te lees.

 

The first versions of the short stories that made the Nuwe Stories 2014 shortlist are now available to be read (in Afrikaans) on Litnet.co.za. One of Christina van Deventer’s short stories are also on this year’s shortlist. Shortlist-candidates are currently working together with some of South Africa’s foremost language specialists, Leti Kleyn and Suzette Kotze-Myburgh, in order to refine their short stories for final publication. The final versions of their short stories will be published in the Nuwe Stories 3 short story collection. The book, which appears later this year in November 2014, will be published by Human & Rousseau. Click here to read the shortlisted stories at Litnet.co.za.

PEN Afrikaans Jong Stemme Kompetisie wenverhaal

Foto verkry vanaf litnet.co.za

Foto verkry vanaf litnet.co.za

Christina van Deventer, was in 2013 een van die twee nasionale wenners vir die PEN Afrikaans Jong Stemme Kortverhaal Kompetisie vir skrywers onder dertig. PEN bied weer hierdie jaar die geleentheid aan jong skrywers om deel te neem aan die gesogte kompetisie. Die wenner(s) se verhale word ingeskryf vir die PEN International Young Voices kompetisie waarin meeste wereldlande se PEN verenigings verteenwoordig word deur een of twee jong skrywers binne hul verskeie landsgrense. Die PEN kompetisie vir Suid Afrika sluit eersdaags, op die 6e Mei, 2014. Meer inligting oor die kompetisie kan hier verkry word. Lees ook Christina se wenverhaal hier.

Christina van Deventer was one of the two national winners in the PEN Afrikaans Young Voices Competition 2013. This year PEN once again offers young writers under the age of 30 the opportunity to participate in this sought after competition. The winners’ stories will be entered into the PEN International Young Voices Competition in which most countries in the world are represented by one or two writers chosen by their local PEN organization. The PEN Afrikaans Young Voices  Competition is still open for entries until the 6th May, 2014. More information about the competition can be viewed here. Read Christina’s winning entry here (only available in Afrikaans).

 

Nuwe Stories 3 kortlys aangekondig

Die Nuwe Stories 3 Kortlyskandidate.  Foto verkry vanaf www.litnet.co.za

Die Nuwe Stories 3 Kortlyskandidate.
Foto verkry vanaf www.litnet.co.za

Dit is vir my ‘n groot eer om weereens hierdie jaar deel te wees van die NB Uitgewers/Human & Rousseau Nuwe Stories Kortverhaal Kompetisie kortlys.

Die kompetisie word hierdie jaar vir die derde keer aangebied met die doelstelling om jong skryftalent (onder 30) op te spoor en te ontgin. Lees meer oor die kortlyskandidate asook die bundel by Litnet.co.za deur hier te klik. Baie geluk aan alle kortlyskandidate!

Ek agter die skerms en Nuwe Stories 2 beskikbaar vir Kindle

Die Nuwe Stories 2 skrywers by die bekendstellingspartytjie in Kaapstad.

Die Nuwe Stories 2 skrywers by die bekendstellingspartytjie in Kaapstad.


Hier volg ´n onlangse onderhoud met Litnet na die publikasie van Nuwe Stories 2 in November 2013.

Nuwe Stories-kortverhaalwedstryd 2013: Onderhoud met Christina van Deventer

Naomi Bruwer, Christina van Deventer

Vertel ons lesers meer van jou verhaal/verhale wat in Nuwe Stories 2 opgeneem is.

My verhaal, “’n Kis vir Boel”, handel oor ’n hond wat ’n jong seun doodbyt. Wanneer dit duidelik word dat die hond aan ’n swart man behoort wat sedert die gebeure vermis is, raak die hele gemeenskap betrokke en is die hond se lewe op die spel.

Ná die aanvanklike keuring het jy die geleentheid gehad om die kortverhaal persgereed te kry met die hulp van raad en keurverslae. Hoe het jy hierdie proses ervaar?

Ek het die proses geniet. Die keurder se verslae was op die man af en die voorgestelde leesstof was interessant en aktueel. My enigste “negatiewe” kommentaar op die proses is dat ek graag kritiek van albei keurders sou wou ontvang, aangesien dit moontlik die ontwikkeling van my verhaal verder
sou verdiep.

Wat is die beste skryfraad waarvan jy al ooit gehoor of gelees het en wat jy probeer om self toe te pas?

Lees. Dit is moontlik ook die grootste hindernis om te oorkom, want ’n mens is geneig om fiksie vir ontspanning te lees. Selfs wanneer ek ontledend lees, raak ek ná ’n hoofstuk of twee meegesleur deur die verhaal (as dit ’n goeie een is) en vergeet ek om op te let na die nuanses. Ongeag daarvan dink ek dat dít wat jy lees in jou onderbewussyn saamgesleep word en ’n uitwerking op jou skryfwerk het, selfs al is dit net deur taalgebruik. Ek het aanvanklik gedink ’n mens moenie so baie lees nie, want dan begin jy soos ander skryf. Ek het intussen my opinie verander.

Die ander skryfraad is die ou een “skrywers skryf”. Baie suksesvolle skrywers sê hulle kan bloot elke ses maande ’n boek op die rakke sit omdat hulle elke dag skryf. Om elke dag te skryf, klink maklik genoeg, maar dit is nie. Dit verg toewyding en dissipline. Ek raak al beter in hierdie opsig, maar dit is ’n roetine wat ’n mens moeilik aanleer, veral omdat die lewe geneig is om tussenbeide te tree.

Wie is die skrywers wie se werk jy die graagste lees, en waarom hou jy van hulle werk?

Ek lees graag die groot kokkedore van Engelstalige ontspanningsfiksie: Stephen King, Dean Koontz, Michael Crighton, ensovoorts. Ek is baie meer kieskeurig wanneer dit by Afrikaanse fiksie kom en lees selde of ooit ’n boek net omdat dit deur iemand geskryf is van wie se vorige boek ek gehou het. Ek word maklik visueel beïnvloed: As die boek ’n aantreklike buiteblad het, sal ek dit koop sonder om spesifiek op te let wie die skrywer is. Dan gaan ek huis toe, lees, en besef/besluit agterna dat hierdie skrywer meer aandag verdien. Dus lees ek in Afrikaans oor die hele spektrum, van Sophia Kapp en Isa Konrad tot PG du Plessis en, meer onlangs, Deon Meyer. Dit is vir my moeilik om iemand spesifieks uit te lig, want ek geniet amper enige skryfwerk wat goed afgerond is en maklik lees, selfs romanse en niefiksie. My enigste vereiste is dat die boek goed moet eindig – ek lees gewoonlik die laaste bladsy in die boek voor ek besluit of ek dit koop. Dit maak dit interessant om dan uit te vind hoe die skrywer en karakters daarby uitgekom het.

Het jy enige verdere planne vir jou skrywersloopbaan?

Ek weet nie of mens regtig in hierdie verband planne kan maak nie. Ek skryf dít wat my hart my forseer om te skryf en hoop dan maar agterna dat daar ’n ontvangslokaal daarvoor sal wees. Ek hoop om as skrywer te ontwikkel en dat mense byval sal vind by my skryfwerk, maar net die tyd sal leer of daar wel ’n skrywersloopbaan op my horison is.

Vind meer uit oor my deelname aan Nuwe Stories 2 deur hier te klik.

As jy nog nie ´n kans gehad het om die bundel in die hande te kry nie, gaan gerus na Amazon vir die Kindle weergawe, of na Kalahari vir die “paperback”.